Bu çox yayılmış problemdir: bir çox hənəfilər bizim məzhəbdə bu hökmü bilmirlər, lakin məzhəbdə hökm sərtdir.
İmam Birgivi buyurur:
“Həqiqətən, Quran oxunan zaman susmaq və ona qulaq asmaq məzhəbin zahirinə görə vacibdir”.
Uca Allah buyurur: “Onlar Quranı oxuduqları zaman ona (diqqətlə) qulaq as və sus ki, sənə rəhm etsinlər” (Əraf, 204)
Adətən bu ayə hənəfilər tərəfindən dəlil olaraq qeyd edilir ki, imamdan sonra məmun (imama tabe olan) Quran oxumur. Amma İmam əl-Birgivi deyir ki, bu ayə heç bir xüsusi səbəblə məhdudlaşmır.
Əgər insanlar hansısa sualla, söhbətlə, bəzi problemlərin həlli ilə məşğul olsalar və bir nəfər oxucu özü gəlib, müshafi açıb ucadan oxumağa başlasa, onun günahı olar, çünki o, insanların danışdığı yerə gəlib oxumağa başlayar. Quran, onun qiraətini (dinləməyi) onlara vacib etdi. Amma Quran oxumağa başlayanda bir insan dinləsə və sonra diqqəti yayındırsa, günah onun üzərinə düşər.
«Fətəva Tatarxaniyyə»də deyilir:
“Quran ucadan oxunan zaman salam vermək (məkruh təhrimi [yəni günah]) arzuolunmazdır. Həmçinin bilik təkrarlananda və ya hansısa dərs gedəndə və o dinləyir.
İnsan salam versə, günah etmiş olar. Eyni şey azan və iqamə üçün də keçərlidir. Bu məsələlərdə düzgün rəy isə odur ki, insan ona heç (bu salama – nə ucadan, nə də ürəklə) cavab verməz”.
Əbu Əli əl-Əşəri
“Tariqul-Məhəmmədiyyə” mövzusunda dərsdən
Mənbə: t.me/cats_ahlusunnah
Tərcümə: azermuslim.com
